Refleksjonar omkring veke 37

Etter mange års veging fram og tilbake om eg skulle ta ei ekstra halvårseining, så tok eg i år ei endeleg avgjerd om at dette var lurt. Eg hadde frå før "IKT i skolen 1", så det var absolutt aktuelt å ta den andre halvårseininga. Dermed heiv eg meg uti det i år. Og det eg ser om pensumet og arbeidsmåtane gjer meg veldig engasjert. Innhaldet i DKL 103 ser veldig spennande ut, og arbeidsmåyane er mønsterverdige. Nettstudium gjer at eg kan arbeide på skulen samtidig som eg tek denne utdanninga. Samlingane i Volda vert veldig kjekke og nyttige. Der kan eg få trffe medstudentane og diskutere og samarbeide ansikt til ansikt. Denne kombinasjonen av pedagogisk bruk av IKT og skulesamlingar er svært tiltalande for meg.

Opplegget med tydelege og gode leksjonar er flott. Emnebloggar der vi kan kome med spørsmål og kommentarar er svært nyttige. Der kan vi finne svar på spørsmål som andre har spurt om. Øvingsoppgåver på Forum og Blogg er fine arbeidsmåtar som lett kan overførast til arbeidet som lærar i grunnskulen. Mappeoppgåver og gode tilbakemeldingar frå rettleiar er ein god arbeidsmåte for at eg kan betre meg.

Eg ser fram til å kunne bruke IKT-aspektet, kreativitetsaspektet og sosialaspektet i denne utdanninga.